Түркістан облысының қоғамдық денсаулық басқармасының ұйымдастыруымен облысқа белгілі медицина ғылымдарының докторы, профессор Мұқан Егізбаевтың 60 жылдығына арналған іс-шаралар өткізілуде.
Қоғамдағы медицина қызметкерлерінің оң имиджін
қалыптастырып, дәрігерлердің беделін көтеруге ықпал ететін өңірдегі үздік дәрігерлерді анықтау мақсатында өткен академик М.К.Егізбаев атындағы сыйлық үшін конкурсқа 26 қыркүйектен 16 қазанға дейін өтінімдер қабылданған болатын.
Конкурс қорытындысы облыстық клиникалық ауруханасында жарияланды. Жиынға Түркістан облысы Қоғамдық денсаулық басқармасының басшысы Марат Пашимов қатысып, жеңімпаздарды құттықтады.
– Бүгін біз ұстазымыз және тәлімгеріміз – Мұқан Кеңесбекұлын құрметтеу үшін жиналдық. Ол дарынды дәрігер, тамаша басшы және жүрегі кең адам ретінде жадымызды қалды. 23 қазанда Мұқан Кеңесбекұлы 60 жасқа толар еді. Ол медицинадағы өмірін құптап, отандық денсаулық сақтаудың дамуына баға жетпес үлес қосты. Бірақ ол өзінің барлық жоспарларын жүзеге асыра алмады. Біз, оның шәкірттері, оның бастамаларын жалғастырудамыз. Бүгінгі таңда біздің мамандардың кәсіби құзыреттілік деңгейін арттыру, жаңа технологияларды енгізу, заманауи білім алу үшін мастер-класс ұйымдастырылған. Осы екі күнде 20-дан астам ота, зертханалық диагностика бойынша дөңгелек үстел, дерматохирургия бойынша практикалық семинар өткізіледі. Жақын және алыс шетелдерден келген әріптестерімізге, сондай-ақ еліміздің жетекші клиникаларына өз білімдерімен бөлісуге және тәжірибе алмасуға келіскендері үшін зор алғысымды білдіргім келеді, – деді М.Пашимов.
Шараға марқұм дәрігердің көзін көрген достары мен туыстары, медицина қызметкерлері де қатысты.
Сонымен қатар Қоғамдық денсаулық басқармасының штаттан тыс бас мамандарының қатысуымен облыстың барлық орталық, қалалық және аудандық емханаларында ашық есік күндері өтуде. Облыстық клиникалық ауруханасы мен облыстық балалар ауруханасының, облыстық тері-венерологиялық диспансерінің мен облыстық офтальмологиялық ауруханасының кеңестік-диагностикалық емханаларында шеберлік дәрістері мен түрлі іс-шаралар да өткізілуде. Онымен қоса, халықаралық мультидициплинарлық шеберлік дәрісі облыстық клиникалық ауруханасы мен облыстық балалар ауруханасында өтуде. Мастер-класстарды өткізу үшін АҚШ, Түркия, Өзбекстан, Ресей, Германия елдерінің жетекші мамандары, сондай-ақ Астана және Алматы ғылыми орталықтары мен университеттерінің мамандары келді.
Айта кетсек, Мұқан Кеңесбекұлы Шымкент қаласының, Түркістан облысының медицина саласының дамуына өзіндік үлес қосқан білікті басшы, клиникалық және функционалдық медицина академиясының академигі еді. Сонымен қатар Оңтүстік Қазақстан және Түркістан облыстарының денсаулық сақтау басқармасының басшысы, облыстық мәслихат депутаты қызметтерін абыроймен атқарған. Шымкент қаласы мен Сайрам ауданының Құрметті азаматы болды.
