Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің бастамасымен №1 қалалық клиникалық аурухана ұжымымен кездесу ұйымдастырылды.
Іс-шарада 2022-2026 жылдарға арналған сыбайлас жемқорлыққа қарсы саясат тұжырымдамасы жан-жақты түсіндіріліп, жемқорлықтың алдын алудағы дәрігерлердің рөлі талқыланды.
Сонымен қатар, ағымдағы жылы денсаулық сақтау саласына қатысты тіркелген сыбайлас жемқорлық фактілерінің статистикасы айтылып, сыбайлас жемқорлық құқық бұзушылық фактілері туралы хабарлаған адамдарды көтермелеу туралы ақпарат берілді.
Квазимемлекеттік секторларда енгізілген комплаенс-қызметінің маңыздылығына тоқталған Департамент өкілі, комплаенс мамандарының негізгі міндеттерінің бірі — құқық бұзушылықтардың алдын алу және ұйымның іскерлік беделін қорғау болып табылатындығын атап өтті.
Жиын соңында тұрғындармен үнемі байланыста болатын маман иелері мамандығынан бұрын адалдықты биік ұстауға, сондай-ақ жемқорлық фактілеріне тап болған жағдайда тәулік бойы жұмыс жасайтын 1424 Call-орталығына хабарласуға шақырылды.
Сыбайлас жемқорлыққа қарсы іс-қимыл Агенттігінің
Шымкент қаласы бойынша департаментінің баспасөз қызметі.
