Жиылған көпшілікке Мөңке би жұмбақ айтыпты:
Кермиық кеңесінен қалды.
Шалқасқа шабысынан қалды.
Қотыр теке қой бастады,
Тауқұдірет ел бастады.
Ханы қайғылы болды,
Биі бүкірейіп болды.
Атадан ұл озды,
Анадан қыз озды,
Сол уақыттағы қамқа тон көнеріп тозды,- депті.
Оқи отырыңыз...
Ешкім шеше алмаған екен. Ешбірі жұмбағын шеше алмаған соң өзі сөйлеп кетіпті:
Кермиық кеңестен қалса,
Ақылынан танған шығар,
Шалқасқа шабысынан танса,
Аузынан шалған шығар.
Қотыр теке қой бастаса,
Қожа, молданы құдай ұрған шығар.
Хан қайғылы болса,
Халықты жеп қарны шермен болған шығар.
Биі бүкір болса,
Сөзі азып-тозған шығар.
Атадан ұл озса, еркін шығар,
Анадан қыз озса, шіркін шығар.
Сол уақыттағы қамқа тон көнеріп тозса,
Асылдығы кеткен шығар.
