ҚР Парламенті мәжілісінің депутаты Фахриддин Қаратаев пен Шымкент қалалық мәслихатының депутаты, «AMANAT» партиясы фракциясының жетекшісі Бекайдар Тулегенов, партияның аудандық филиалының атқарушы хатшысы Арай Есенбек «Отау» бастауыш партия мүшелерімен кездесті.
Кездесуде Президентіміз ұсынған өзгерістер мен реформалар жайлы ойлар айтылды. Жаңа Қазқстанның қалыптасуына үлес қосу – әрқайсымыздың негізгі азаматтық борышымыз екені әмбеге аян.
Дана халқымыз айтқандай, қазіргі уақытта тірліктің де, берекенің де көзі – бірлікте. Осы тұрғыда біз Қазақстанның демократиялы, әділетті және өркениетті мемлекет болып құрылуына үлесімізді қосатын боламыз. Конституциялық реформа саяси партиялар арасында бәсекелестікті қалыптастырып, азаматтардың ел дамуына атсалысуына үлкен мүмкіндік береді. Мәселен, саяси партияны тіркеу үшін қолдаушылардың саны 5 мың адамға дейін қысқаруы оң өзгерістің бастауы болмақ. Себебі партиялар арасында бәсекелестік пайда болады әрі жаңа партия құрудағы жеңілдіктер халықтың саяси белсенділігін арттырады.
