2022 жылдың 2-3 маусым күндері сағат 10.00-18.00-де Түркістан сарайы және Ж.Шанин атындағы Шымкент қалалық академиялық қазақ драма театры ғимаратында «Рухани жауһарлар» дәстүрлі ән және терме орындаушыларының республикалық байқауы өтеді.
Еліміздің сонау терең тарихынан сыр шерткен фольклорын бүгінгі буынға жаңғырту, болашаққа аманат ету сіз бен біздің басты міндетіміз. Шара барысында Республикамыздың түкпір түкіпірінен жиналған кім мықтыдан, кіл мықты оза шапқан дәстүрлі ән мен терме өнерінің майталмандары дордаға түсіп бақ сынасады.
Байқауға, еліміздің танымал тұлғалары Рамазан Стамғазиев, Клара Төленбаева, Еркін Шүкіман, Кенжебай Шалов, Серікбаев Әлімжан, (Дәстүрлі ән), Ерболат Шалдыбеков, Тілеулес Құрманғалиев, Байбусынова Ұлжан, Міралиев Сүндет, Спатаев Жақыптай (Терме) майталмандар қазылық жасап, әділ төрешілік етеді.
