🇰🇿 Мемлекет басшысы Қасым-Жомарт Тоқаев Ата Заңға енгізілетін өзгерістерге байланысты 5 маусым күні жалпыхалықтық референдум өтетінін мәлімдеді. Осылайша, жаңарған Конституция арқылы еліміз демократиялық қоғам құрудың келесі кезеңіне қадам басқалы тұр. Сонымен референдумда азаматтар дауыс беру арқылы қандай игіліктерге қол жеткізе алады?
Оқи отырыңыз...
📌 Біріншіден, биліктің бірқатар функциялары Президенттен Парламентке, орталықтан өңірлік билікке беріледі. Яғни суперпрезиденттік басқару жүйесінен парламенттік басқару моделіне көшеді.
📌 Екіншіден, Парламент палаталарының мәртебесі күшейеді. Ал, өңірлерде мәслихаттардың құзыреті артып, олардың бақылаушы функциялары кеңейтіледі.
📌 Үшіншіден, азаматтардың конституциялық құқықтарын қорғау тетігі күшейтіледі. Яғни елімізде жаңадан Конституциялық сот құрылып, азаматтардың оған жүгіну мүмкіндігі артады.
Сондықтан Ата Заңға өзгерістер мен толықтырулар енгізуге, ел тағдырын шешуге тікелей қатысуға әр азаматтың мүмкіндігі бар. Осы арқылы олар Жаңа Қазақстанның іргесін қалауға атсалысады.
