Қала әкімі М.Әйтеновтің Абай ауданына қарасты Қазығұрт, Құрсай және Агроферма шағын аудандарының тұрғындарымен кездесуі барысында №34 бағыттағы автобустардың аралық интервалына және олардың ескілігіне шағымдар жасалған болатын.
Тұрғындар тарапынан келіп түскен барлық шағымды ескере отырып №34 бағытта қызмет көрсеткен компаниямен келісімшарт біржақтама бұзылды.
Қазіргі уақытта аталмыш бағытта 12 автобуспен (демалыс күндері -10) «Shymkent Bus» тасымалдаушы компаниясы өз есебінен қызмет көрсетуде.
№34 бағытта қозғалыс сызбасы Қазығұрт шағын ауданы мен Клара Цеткин аралығында ұйымдастырылған.
Шымкент қаласы әкімдігінің баспасөз қызметі
