Бүгін қала әкімі Мұрат Әйтенов Абай ауданына қарасты 8 елдімекен тұрғындарымен кездесті. Есепті кездесуге 6 мыңға жуық халқы бар Карл Маркс шағын ауданының белсенді азаматтары қатысты.
Жиында аудан әкімі Б.Парманов аталған шағын ауданда атқарылатын жұмыстар жайын баяндады.
Аудан әкімінің мәліметінше, биыл Бақшалы, Құрылыс, Айшықты-2 және атауы жоқ №1,2,3,4 көшеге орташа жөндеу жұмыстары жүргізіледі. Ал алдағы жылдары тағы 8 көшеге асфальт жол салынады. Сонымен бірге 2 балалар алаңшасы салынып, жыл соңында шағын аудан сапалы интернетпен қамтылатын болады.
861 отбасы қоныстанған Карл Маркс шағын ауданы толығымен сапалы электр жарығымен, ауыз сумен және табиғи газбен қамтылған.
Шымкент қаласы әкімдігінің баспасөз қызметі.
