Мүгедек жандардың мұңы сейілетін болды. Кентауда 200 орындық оңалту орталығының құрылысы басталды.
Қалада қоларбаға таңылған 2 мыңға жуық мүмкіндігі шектеулі жандар тұрады. Олардың кейбірінің аз да болса аяққа тұрып, жүруіне мүмкіндігі бар. Бірақ ол үздіксіз жоғары сапалы оңалту жұмыстарын қажет етеді. Сондықтан, биыл Кентауда ерекше жандар үшін арнайы оңалту орталығы салынатын болады.
Бұл туралы Түркістан облысының әкімі Өмірзақ Шөкеев Кентау ауданының тұрғындарымен кездесуінде айтты.
Оңалту орталығы мүмкіндігі шектеулі жандардың қоғамға бейімделуіне, оның қажетті бір бөлшегі екендігін сезіндіруге, оларды кәсіпке баулып, өздерінің физикалық мүмкіндіктеріне сәйкес табыс табуға ықпал етеді.
