Қала әкімі Мұрат Әйтенов Еңбекші ауданы тұрғындарымен кездесуде елді мекендердерді сапалы электр қуатымен қамту бойынша атқарылған жұмыстарды баяндады.
Оқи отырыңыз...
Қазір қаладағы елді мекендердің 73-і сапалы электр қуатымен қамтылса, 8-і жекеменшік жүйеден жарық алады. Келесі жылы жылы электрмен қамту көрсеткішін 99,0 пайызға жеткізу межеленген.
Еңбекші ауданында былтыр 3 369 абонентке электр желісінің құрылысы жүргізіліп, 2331 абонентке ЖСҚ әзірленді. Яғни, биыл 8 тұрғын алапта – Абдуллабад, Тұрдыабад, Тоғыс, Маятас, Қарабастау, Оңтүстік, Қаратөбе және Бадамда жекеменшік жүйедегі абоненттерге құрылыс жұмыстары атқарылады. Жоба құны – 695 млн теңге.
Жалпы 2022 жылы Қаратөбе, Қазығұрт, Жұлдыз аумақтарының тұрғындары сапалы электрмен қамтылады.
2025 жылға қарай қалада электрмен қамтуды 100 пайызға жеткізу жоспарлануда.
Шымкент қаласы әкімдігінің баспасөз қызметі.
