Шымкентте 20 наурыз күні «Наурыз Шымқалада» мерекелік іс-шарасы аясында «Зияткерлік» күні аталып өтеді. Аталған мәдени көпшілік іс-шара сағат 14:00-де «Арбат» демалыс аймағында ұйымдастырылады.
Зияткерлік күніне арналған мәдени көпшілік іс-шарасы «Аққұм» биімен басталып, алаңда қалалық театрлар Ұлы дала ұлылары Әл-Фараби, Абай, Ыбырай және Ахмет Байтұрсынұлының сахналық бейнелерін көрсетумен жалғасады.
Сонымен қатар іс-шара барысында интеллектуалдық дамуға арналған шахмат, тоғызқұмалақ, нарды және дойбы ойындары ұйымдастырылады. Қала тұрғындарының қатысуымен көлемді сөзжұмбақтардың интерактивтік ойыны мен қалалық мектеп оқушыларының арасында халық ауыз әдебиетінің жауһары мақал-мәтел, жыр-дастан, жұмбақ жасыру және жаңылтпаштан сайыс өткізіліп, кеш соңы мерекелік концертке ұласатын болады.
Құрметті Шымкент тұрғындары мен қонақтары сіздерді «Зияткерлік» күніне орай ұйымдастырылған мәдени көпшілік іс-шарасына белсене қатысуға шақырамыз.
Шымкент қаласының Ақпараттық-коммуникациялық орталығы
