Алдымен, Павлодар өңіріне қоныс аударған азаматтарға жұмыспен қамтуға жәрдемдесу бойынша шаралар көрсетілетін болады. Сондай-ақ кәсіпкерлікпен айналысуға ниетті азаматтарға мүмкіндік бар, ол үшін өз бизнесін дамытуға қайтарылмайтын гранттар пен микрокредиттер көзделген екен. Ал, ең басты жасалған жағдайлардың бірі-
Оңтүстіктен солтүстікке қоныс аудару жұмысқа орналасудан басқа субсидия төлеуді де көздейді. Көшіп келген жағдайда әр адамға 70 АЕК (214 410 теңге) көлемінде көтерме ақы қарастырылған. Тұрғын үй мәселелерін шешу үшін әрбір отбасына отбасының құрамына және қоныстандыру орнына байланысты 15 – тен 30 АЕК-ке дейінгі (45945 теңгеден-91890 теңгеге дейін) мөлшерде субсидиялар қарастырылған.
Мемлекеттік бағдарламаның арқасында былтырғы жылы Шымкент қаласынан 830 мүшесі бар 233 отбасы қоныс аударды. Оның ішінде:
-38 отбасы, 110 адам Қостанай облысына:
-16 отбасы, 40 адам ШҚО;
-84 отбасы, 345 адам СҚО;
-95 отбасы, 335 адам Павлодар облысына қоныс аударды.
Қоныс аударған 830 адамның 377-і еңбекке қабілетті болса, тұрақты жұмыспен қамтылғандар 291 адам, 16 адам жеке кәсібін ашқан, ал қалған 523 адам үй шаруасындағылар, зейнеткерлермен балалар. Қоныс аударғандардың Шымкент қаласы бойынша жалпы үлесі 11,4% құрап отыр.
Бүгінгі таңға дейін қоныс аударғандардың басым бөлігі тұрғын үймен, жұмысқа қабілетті отбасы мүшелері жұмыспен қамтылды. Өз кәсібін ашамын деушілерге егін, мал шаруашылығымен шұғылдануға жер телімдері, бос тұрған ғимараттар ұсынылды.
