Прокуратура органдары халық арасында көз жұмғандардың қаза болу мән-жайларын анықтау жұмыстарын жалғастыруда.
Әр жағдай бойынша өлімнің себептері толық зерделенуде. Осыған байланысты, прокурорлар 3 дерек бойынша қылмыстық істерді адам өлтіруге қайта саралады. Сонымен бірге, келтірілген деректер түпкілікті емес, жұмыс көп еңбекті қажет етеді.
Құқық қорғау органдары қылмыстық істерді тергеу мен қоса, жымқырылған қаруларды іздеу және оларды алып қою жұмыстарын жүргізуде.
Бұл туралы Орталық коммуникациялар қызметі алаңында Бас прокуратураның 1-қызмет бастығының орынбасары Елдос Қилымжанов мәлімдеді.
