Әлемді әбігерге салған короновирус денсаулық саласына ерекше көңіл бөлудің маңыздылығын көрсетіп берді. Сондықтан да Шымқала басшылығы мегаполистегі денсаулық саласына жаңаша көзқараспен қарап, азаматтардың денсаулығын қорғауда ауқымды жұмыстарды іске асыруда.
Соңғы екі жылда Шымкентте денсаулық сақтау ұйымдарының материалды техникалық базасын нығайтуға 12,8 млрд. теңге қарастырылған. Техникалық база 78,4 пайызға жаңарды. Сонымен бірге жеке инвестициялар есебінен медициналық орталықтарға 5 компьютерлі томограф орнатылды. 2020 жылы қалалық перзентхана, №2 қалалық аурухана, «Ана мен бала» орталығы, №1, №9 емханалар ғимараттарына күрделі жөндеуден өтті. 200 орындық қалалық инфекциялық орталық ашылды. Жедел жәрдем автокөлік паркі 100 пайызға жаңарып, диспетчерлік орталық ашылды. 2021 жылы 3 жекеменшік емхана және 1 оңалту орталығы ашылып, қызмет көрсетуде. Үш инсульт орталығы ашылды. Денсаулық сақтау саласын жетілдіруге арналған бұл шаралар саланың заманауи құрал-жабдықтармен жабдықталу мен шымкенттіктердің денсаулығын қорғауды жақсартуға үлес болып қосылуда.
«NEWQAZAQ»- ақпараттық порталы.
