Еліміз жыл сайын үлкен үмітпен күтетін ел президентінің жолдауы 1 қыркүйек «Білім күні» мерекесімен қатар келіп, халықтың ерекше назарын аударды. Биылғы жолдау еліміздің болашақ дамуы мен ертеңгі күнге бетбұрысын айқындап берді. Барлық бағыттардың дамуы, ел тағдыры үшін маңызды. Қазақ халқының әрбір азаматының көкейінде жүрген мәселені шешу жолына арналған жаңа жолдау, ел дамуы мен халқымыздың өмірінде біршама жаңашылдықтың болатынын көрсетіп бергендей.
Ел Президенті қарапайым еңбек адамының, зейнеткерлердің, мемлекеттік қызметкерлер мен білім-ғылым саласындағы еңбек етіп жүрген ғалымдардың, орталық атқарушы органдарының, құқық қорғау органдары мен денсаулық сақтау саласы қызметкерлерінің әрқайсының міндетін, қызметіндегі өзгерістер мен жаңалықтарды нақты атап өтті.
Қазіргі қоғам білімді жастардың қоғамы. Шымкент қаласы Төтенше жағдайлар департаментінің жас маманы ретінде өз замандастарымен бірлесіп еліміздің дамуы мен жаңаруы жолында бар күш жігерімді саламын.
Ел президенті де ұлт ұстазы Ахмет Байтұрсынұлының «Білімді болуға оқу керек. Бай болуға кәсіп керек. Күшті болуға бірлік керек. Осы керектердің жолында жұмыс істеу керек», деген даналық сөзімен өз жолдауын бекітті.
Қазіргідей жаңарған жаңа заманда еліміздің әрбір азаматы жоғары білім мен табанды еңбектің нәтижесінде ғана биік белестерден көрінетіні анық. Ел азаматтарын, отанымыздың алдында адал қызмет етуге, абыройлы іс жасауға, терең білім алып, ерінбей еңбек етуге шақырды.
Ақмырза БАБАШ,
Шымкент қаласы,
ТЖД Еңбекші ауданы ТЖ басқармасы.
