Шымкенттегі ҚАЖД қарасты түзету мекемелерінде соттың үкімімен бекітілген берешектің 76 млн. 296 мың 200 теңгесі өндірілді. Бүгінде ҚАЖ мекемелерінің өндіріс обьектілерін жалға алған 13 шағын және орта бизнес субьектісі жазасын өтеушілерді жұмыспен қамтып отыр. Бұл өз кезегінде сотпен бекітілген берешекті төлеуге үлкен ықпалын тигізіп отыр. Осыны ескерген түзету мекемесінің басшылары бірінші кезекте атқару парағы бар сотталған азаматтарды ақылы жұмысқа орналастырады.
Нәтижесінде, 2021 жылдың 9-айында жұмыс істейтін берешегі бар 241 сотталған азаматтың жалақысынан атқару парағына сәйкес, 20 млн. 527 мың теңге берешек қаржысы ұсталынды. Сондай-ақ, сотталғандармен түсіндірме жұмыстарын жүргізудің аясында өз еріктерімен 55 млн.769 мың 200 теңге берешек өтелді. Бұл өз кезегінде, сотталғандар тарапынан келтірілген зиянды өтеу және соттың белгілеген үкімін орындау боп табылады.
