Қазіргі пандемиялық жағдайда азаматтардың сеніміне кіріп, түрлі жолмен ақшасын иеленіп кету арқылы ҚР Қылмыстық кодексін бұзу фактілері жиі орын алуда. Бұл әрекеттер заңмен жаза белгіленген құқықбұзушылық түрлеріне жататындықтан құқық қорғаушылар онымен күресті күшейте түсті.
2021 жылдың 2-қазанында Абай АПБ-ның «102» нөміріне Шымкент қаласының тұрғыны арызданды. Ол өз арызында, белгісіз азамат ұялы телефонын пайдалану арқылы банк қосымшасымен 250 000 теңге көлемінде техникалық заттарын алып, несие рәсімдегенін көрсеткен.
Абай АПБ Криминалдық полиция бөлімінің қызметкерлерімен Шымкент қаласы тұрғыны анықталып, ұсталды. Тексеру амалдары жүргізілуде.
2021 жылдың 4-қазанында Абай АПБ-ның «102» нөміріне Шымкент қаласының тұрғыны арызданған. Онда, бейтаныс азаматша мемлекет тарапынан берілетін пәтерді кезектен тыс алып беремін деп, 1.700.000 теңге ақшасын иемденіп кеткенін көрсеткен.
Абай АПБ Криминалдық полиция бөлімінің қызметкерлерімен жедел-іздестіру іс шараларын жүргізу барысында Шымкент қаласының тұрғыны анықталып, жеткізілді. Ұсталған азаматтың басқа да қылмыстарға қатыстылығы анықталуда. Тексеру амалдары жүргізілуде.
