Ағымдағы жылдың 5-қазанында Шымкент қаласы Полиция департаменті ЖПҚБ Патрульдік полиция полкінің қызметкерлері түнгі рейд жұмыстарын жүргізді. Тәртіп сақшылары жол-көлік оқиғаларын азайту мақсатында, жол ережесін қасақана өрескел түрде және жол-көлік оқиғаларына тікелей әсер ететін құқықбұзушылықтарды: тиісті рұқсатынсыз қайта жабдықталған көлік құралын басқару, техникалық байқаудан өтпеу, бағдаршамның тыйым салу сигналына өту, авариялық жағдай туындату, теміржол өтпелерінен өту қағидаларын бұзу, қауіпсіздік белдігін қолданбау, ұялы телефон мен рация пайдалану, басып озу немесе маневр жасау тәртібін бұзу, автокөліктерді мас күйде басқару, қозғалыстың қарсы жолағына шығу, көше қиылыстары мен жаяу жүргіншілер өтпесін өту жағдайларымен байланысты жасалған жайттарды анықтауға бағытталған жұмыстарды жүргізді.
Мәселен, түнгі уақытта мас халде көлік басқарған 2 жүргізуші анықталып, оларға қатысты ҚР ӘҚБтК-нің 608-бабы (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру) бойынша әкімшілік хаттама толтырылып, түсіндірме жұмыстары жүргізілген.
Осы орайда, Шымкент қаласының полицейлері жол-көлік оқиғаларына орын беріп құқық бұзбау және құқықбұзушылықтың алдын алу үшін автокөлік жүргізушілерін жол қозғалысы ережелерін қатаң сақтауға шақырады.
