Президент Қасым-Жомарт Тоқаевтың Жолдауында жастар тәрбиесіне, оларды отаншылдыққа, еңбекқорлыққа, білімділікке баулуға байланысты айтқан тапсырмаларына сәйкес Шымкент қаласында Мемлекеттік Жастар саясатын жүзеге асыру бағытында жоспарлы түрде жұмыстар жүргізіледі. Жұмыстың нәтижелілігі үшін алуан түрлі тәсілдер қолданылады. Соның бірі жастар өкілдерімен еркін форматта емен-жарқын отырып пікірлесу.
ҚР Тәуелсіздігінің 30 жылдығына орай, Қаратау аудандық жастар орталығының коворкинг залында Шымкент қаласы әкімінің орынбасары Махсұт Исахов қала жастарымен еркін форматта кездесті. Басқосуға «Шымкент жастар лигасының» 2 орын иегерлері, оқу орындарының және қаламыздың белсенді жастары қатысып, белсенділік танытты.
Еркін форматтағы кездесу барысында қала әкімінің орынбасары орталықтың жұмыс барысымен танысып, қала жастарының қызығушылықтары жайында әңгімелесті. Сонымен қатар, Мақсұт Пернебайұлы жастарды толғандырып жүрген мәселелері мен алдағы жоспарлары жайында пікір алмасып, еңбек тәжірибесімен бөлісті. Жастар да өздерін толғандырып жүрген мәселелерімен бөлісті.
Кездесуде барлық санитарлық-эпидемиологиялық талаптар сақталып, қатысушылар Ashyq қосымшасы арқылы кіргізілді.
Еркін форматтағы мұндай жүздесулер аудандық жастар орталықтарында тұрақты түрде ұйымдастырылуда.
