Шымкент қаласы Полиция департаменті Жергілікті полиция қызметі басқармасы Патрульдік полиция полкінің қызмет инспекторлары қоғамдық қауіпсіздікті қадағалау мен түрлі құқық бұзушылықтың алдын алу мақсатында қарқынды жұмыс атқаруда.
Ағымдағы жылғы 21-қыркүйек күні автокөлік жүргізушісі жол белгілерінің талаптарын сақтамағаны бойынша тоқтатылған. Алайда, азамат полиция қызметкерінің заңды талабына бағынбай кетіп қалмақшы болған.
Тәртіп сақшылары жүргізушінің құжаттарын тексеру барысында сақтандыру полисінің жоқтығын және қауіпсіздік белдігін тақпағанын анықтаған. Сондай-ақ полиция қызметкерінің көлiк құралын тоқтату туралы заңды талабын орындамаған.
Нәтижесінде жергілікті тұрғынға қатысты ҚР ӘҚБтК-нің 593-бабына (қауіпсіздік белдігін тақпау) және ҚР ӘҚБтК-нің 613-бабына сәйкес Ішкі істер органдары (полиция) қызметкерінің көлiк құралын тоқтату туралы заңды талабын орындамағаны үшін және 230-бабы (Қазақстан Республикасының мiндеттi сақтандыру туралы заңнамасын бұзу) бойынша 3 әкімшілік хаттама толтырылды. Ал автокөлік айыптұраққа жеткізіліп, орналастырылды.
Тәртіп сақшылары жүргізушілер арасында кең таралған жол қозғалысы ережесін бұзудың бір түрі автокөліктің терезесін күңгірттеу екенін айта өтіп, жол қозғалысының барша қатысушыларын жол қауіпсіздігін сақтауға және құқық бұзушылықтың алдын алуға шақырады.
