Қазақстан Республикасында Мемлекет басшысы Қ.К.Тоқаевтың биылғы жылға арнаған Жолдауында алға қойылған міндеттерді орындау үшін көптеген маңызды іс-шараларды іске асыруда. Соның бірі «Anti-fraud» жедел-профилактикалық іс-шарасы барысында интернет-алаяқтықтың 16 жайты анықталды
Қазақстан Республикасы Ішкі істер министрлігінің нұсқауына сәйкес, 2021 жылдың 9-тамыздан бастап республика аумағында «Anti-fraud» жедел-профилактикалық іс-шарасы өткізілуде. Аталған іс-шараның мақсаты – интернет-алаяқтыққа қарсы күрес, ақпараттық технологияларды пайдалана отырып жасалатын өзге де құқықбұзушылықтарды анықтау, жолын кесу және болған қылмыстарды дер кезінде ашу.
Сондай-ақ, қоғамдағы келісім мен өзара түсіністікті бұзуға әсер ететін зиянды бағдарламаларды, арнайы техникалық құралдарды, интернет-алаяқтықты, порнографияны оның ішінде балалар порнографиясын дайындайтын және тарататын, суицидалды бағыттағы ойындарды, интернет желісіндегі өзге де құқық бұзушылықтарды насихаттайтын адамдарды анықтау болып табылады. Мұндай құқық бұзушылықтар заңмен жазаланады.
Шымкент қаласы полиция департаментінің қызметкерлері «Anti-Fraud» жедел-профилактикалық іс-шарасының екінші күнінің қорытындысы бойынша интернет-алаяқтықтың 16 жайты анықталып, тәулік ішінде ашылып отыр.
Республика аумағында басталған «Anti-fraud» жедел-профилактикалық іс-шарасы 15-тамызда аяқталады.
