Мемлекет басшысы Қ.К.Тоқаевтың жаңа жағдайда рухы биік білімді де дарынды жас ұрпақ тәрбиелеуге мән беру жөніндегі тапсырмасын орындау мақсатында Шымкент қаласының әкімі Мұрат Әйтеновтың бастамасымен шахматтан жасөспірімдер арасындағы республикалық біріншілік барлық қауіпсіздік шараларын сақтай отырып, жауапкершілікпен жүзеге асырылды.
Шымкентте шахматтан 8-18 жас арасындағы жасөспірімдер қатысқан Қазақстан Республикасы чемпионатының жеңімпаздары анықталды. Қала әкімі Мұрат Әйтенов үздік шыққан жас шахматшыларды арнайы қабылдап, қаржылай жүлдемен марапаттады.
– Ел Тәуелсіздігінің 30 жылдығы аясында қаламызда жасөспірімдер арасында республикалық деңгейдегі шахмат турнирі бірінші рет өткізілді. Осы онкүндікте балалар мол тәжірбие жинап, жаңа орта қалыптастырды деп ойлаймын. Шымкент қаласында шахматтың қарқынды дамуына барлық мүмкіндіктер бар. Қала мектептерінде шахмат арнайы пән ретінде енгізілді. Оқушылар арасында шахмат турнирі үшінші мәрте өткізіліп отыр. Сіздердің талаптарыңыздың арқасында көптеген жастарымыз жігерленеді. Алдағы уақытта әлем біріншіліктерінде үздік болатындарыңызға сенемін, — деді Мұрат Дүйсенбекұлы құттықтау сөзінде.
Шахматтан өткен чемпионатта Шымкент қаласынан Зейнеп Сұлтанбек (18 жасқа дейінгі қыздар арасында), Аяулым Қалдарова (14 жасқа дейінгі қыздар арасында) I орынды жеңіп алды.
Іріктеу сынынан сүрінбей өткен жасөспірімдер енді еліміздің намысын әлем және Азия чемпионатында қорғайтын болады.
«Newqazaq.kz» ақпараттық порталы.
