Президент Қасым-Жомарт Тоқаев биылғы жылға арнаған «Жаңа жағдайдағы Қазақстан: іс-қимыл кезеңі» деген Жолдауында пандемия жағдайында азаматтарды жұмыспен қамтудың мемлекеттік бағдарламаларын толықтай пайдалау керектігін айтты. Оған қоса, жұмыссыз азаматтарды нарықтағы сұранысқа ие жаңа кәсіпке қайта оқыту, жеке ісін бастағысы келетіндеріне тиісті көмек пен кеңес беріп жаңа істерін ашуға жәрдемдесуді де тапсырған еді.
Оқи отырыңыз...
Миллионнан астам тұрғыны бар Шымкент қаласында халықтың әл-ауқатын жақсарту мақсатында алдымен жұмыссыз азаматтарды жұмыспен қамту шаралары жүйелі жүргізілуде. Осыған орай «Еңбек» мемлекеттік бағдарламасы шеңберінде биыл 21 841 адамды жұмыспен қамту шараларына қатыстыру жоспарланып, 2021 жылдың 1 жарты жылдығында нақты 12 654 адам жұмыспен қамту шарасына қатысты.
2021 жылдың 6 айында 1440 адам «Бастау Бизнес» жобасы бойынша кәсіпкерлік негіздерге оқытуға жіберілді, 21 адамға шағын несие, 584 адамға мемлекеттік грант берілді, 4279 адам бос жұмыс орындарына, 211 адам әлеуметтік жұмыс орындарына, 1078 адам жастар практикасына, 2825 адам ақылы қоғамдық жұмыстарға орналасты.
Шымкент қаласында азаматтарды жұмыспен қамту шаралары жүйелі түрде жүзеге асырылуда. Мемлекеттік бағдарламалардың арқасында шағын несие мен грант алғандар жеке кәсіптерін ашып жұмысын дөңгелентіп әкетуде. Олар өз отбасымен қатар бірнеше адамға жұмыс беріп жұмыссыздар қатарын азайтуға септігін де тигізуде.
«Newqazaq.kz» ақпараттық порталы.
