Қаратау АПБ қызметкерлерімен «Нұрсат-3» шағынауданы аумағында Астана даңғылы бойында «HOWO» маркалы ауыр жүк көлігі көше бойын ластағаны анықталып, тоқтатылды,-деп хабарлайды «Newqazaq.kz» ақпараттық порталы Шымкент қаласы Полиция департаментінің баспасөз қызметіне сілтеме жасап.
Жүргізушіге бұл жағдай әкімшілік құқық бұзушылық екендігі түсіндірілді.
Тәртіп сақшылары абаттандыру қағидаларын бұзған жүргізушіге қатысты ҚР ӘҚБтК-нің 505 бабы 1-бөлігі (Қалалар мен елді мекендердің аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу,жасыл екпелерін жою және бүлдіру) бойынша әкімшілік хаттама толтырып, ескерту жасады.
Осы орайда, тәртіп сақшылары абаттандыру ережелерін бұзған тұлғалар ҚР ӘҚБтК-нің 505-бабына сәйкес жауапкершілікке тартылатынын ескертеді.
Қала бәрімізге ортақ, сондықтан да қаламыздың көркін бұзып, ластануына жол берген тұрғындарға мұндай ескерту жасау орынды.
Қаланың қоғамдық ортадағы тыныштығы мен қауіпсіздігін сақтауға үлес қосып жүрген тәртіп сақшыларының қаланың тазалығына да үлкен мән беріп, құқықбұзушылықтың алдын алуын ескертуі қуантады.
