Шымкент ҚПД Әл-Фараби ауданы Полиция басқармасының қызметкерлері карантин талаптарының сақталуын бақылау мақсатында күнделікті рейдтік іс-шаралар жүргізуде,-деп хабарлайды «Newqazaq.kz» ақпараттық порталы Шымкент қаласы Полиция департаментінің баспасөз қызметіне сілтеме жасап.
2021 жылдың 21-шілдесінде түнгі сағат 00-03-те Шымкент қаласы Жангелдин көшесінде орналасқан «Лото» ойынханасы карантиндік шектеулерді бұзып, келуші қонақтарды қабылдап жұмыс жасап жатқаны анықталды.
Қызметкерлер мен даяршылар клуб ішінде бір реттік бетпердені тақпай қызмет көрсеткені де белгілі болды.Сондай-ақ,”ASHYQ”бағдарламасына тіркелмей, түнгі уақытта жұмыс жасап, карантин режимін бұзған.
Аталған жайт бойынша, карантин талаптарын сақтамай жұмысын жалғастырған кафе әкімшісінен түсініктеме алынды. Жинақталған іс-құжаттар шара қолдану үшін ҚР ӘҚБтК-нің 425-бабы (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу) бойынша Тауарлар мен көрсетілетін қызметтердің сапасы мен қауіпсіздігін бақылау басқармасына жолданды.
Осы орайда, Шымкент қаласы Полиция департаментінің қызметкерлері бекітілген қаулыға бағынбай, әлі күнге той-жиын өткізіп жатқан тұрғындарға бұл өздерінің ғана емес, өзгелердің де өміріне қауіп төндіріп жатқанын қатаң ескертіп, құқық бұзушылыққа жол бермеуге шақырады.
