ҚР Тәуелсіздігінің 30 жылдығына орай Шымкент қаласы ішкі саясат және жастар істері жөніндегі басқармасының «Жастар ресурстық орталығы» КММ-нің ұйымдастыруымен «SHANYRAQ» Отбасы институтын қолдау орталығының бірлестігі Отбасылық құндылық және гендерлік саясат әлеуметтік жобасы аясында қаламыздың бірқатар жас отбасыларының, белсенді көпбалалы аналардың қатысуымен семинар-тренинг өткізді.
Семинар-тренингке заң ғылымдарының PhD докторы, заңгер Е.Бекбосынов, Shymkent adaldyk alany жобалық кеңсесінің басшысы Ж.Қамбар, қаламыздың ардагер ұстазы Ф.Тілеубердиева, Шымкент қаласының әдет-ғұрып және салт-дәстүр орталығының басшы орынбасары Г.Жаханқызы арнайы лекциялар оқып қатысушылармен пікір алмасты.
Қазақ әйелдерінің қоғамдық жұмыстарға белсене араласып, әлеуметтік мәселелердің шешімін табуға атсалысуы таңсық емес. Еліміздің даму болашағына өзіндік үлесін қосуда нәзік жандылардың орны айрықша. Гендерлік саясат мәселесі БҰҰ-ның дүниежүзі бойынша күн тәртібіне қойылған басты мәселелерінің бірі. Қазақстандағы гендерлік теңдіктің даму дәрежесі мен отбасылық құндылықтарды дәріптеудегі мемлекеттік бағдарламалар төңірегінде әңгіме өрбіді.
«Newqazaq.kz» ақпараттық порталы.
