Мемлекет басшысы Қ.К.Тоқаевтың биылғы жылға арнаған «Жаңа жағдайдағы Қазақстан: іс-қимыл кезеңі» атты жолдауының басты мақсаты мемлекеттік басқарудың тиімділігін арттыру, жаңа заман талаптарына сәйкес экономикалық даму, шағын және орта бизнесті, қаржы секторын, өңірлік даму және қазақстандықтардың әлеуметтік жағдайын одан әрі дамыту сынды мақсаттарға қол жеткізу екендігі еліміздің ертеңіне деген сенімімізді арттырды. Жолдауда бізге Тәуелсіздіктің жетістіктерін еселеп, елімізді дамудың жаңа сапалы кезеңіне шығару мүмкіндігі беріліп отырғандығы аталып өтіті. Сонымен қатар, Президент атап өткен жаңа экономикалық дамудың жеті қағидаты мемлекет тарапынан дәйекті шешімдер қабылдауды және сол үшін қоғам алдында жауапты болуды көздейді.
Әсіресе, қолжетімді әрі сапалы білім беруге және де әлемге зор қауіп төндірген пандемияға қарсы күресте зор жауапкершіліктің жарқын үлгісін көрсетіп келе жатқан Денсаулық сақтау жүйесін одан әрі дамытуға арналған бөлімдер алда ауқымды жұмыстар жүргізілетіндігін байқатып еді. Бүгінде өзіміздің Шымкент қаласында атқарылып жатқан пандемиямен күрес және денсаулық сақтау саласындағы жұмыстардан Жолдаудың қарқынды жүзеге асырылып жатқанын көріп отырмыз.
Халықтың әлеуметттік әлеуетін одан әрі арттыру яғни, тұрғын-үй мәселесін шешу бойынша «5-10-25» бағдарламасының осы жылдан бастап жүргізіліп келе жатқандығын және 2021 жылдың өзінде БЖЗҚ-ның 700 мың салымшысы өз жинақтарының бір бөлігін тұрғын үй сатып алуға, емделуге немесе қаржы компанияларын басқаруға беру үшін пайдалана алатындығын айқындады. Бұл бағытта да біздің қала еліміздегі баспана құрылысы қарқынды жүріп жатқан аймақтың бірі болып отыр.
Алайда, осындай табыс пен тұрмыс сапасы жоғары мемлекет құру үшін бәрімізге жоғары жауапкершілік пен темірдей тәртіп қажет. Алаш зиялысы Ахмет Байтұрсынұлының осы орайда «Білімді болуға оқу керек. Бай болуға кәсіп керек. Күшті болуға бірлік керек. Осы керектердің жолында жұмыс істеу керек», деген сөзін Қ.Тоқаевтың өз Жолдауда келтіруінің өзі мемлекеттік саясаттың жаңа бағыттары еліміздің жаңа жағдайда жаңаша дамуына ықпал етеді деп сенемін.
Венера ҚҰРАМЫСОВА,
Еңбекші ауданы бойынша МКБ бас маманы.
