Мемлекетіміздің басшысы Қ.Тоқаев биылғы Жолдауында Қазақстанның болашағы мен қарқынды дамуы қазақстандықтардың бірлігі мен ынтымағына, қоғамдық келісімнің болуына байланысты екенін айтты. Қазақстан халқы Ассамблеясының басты бағыттарының бірі болып саналатын қоғамдық келісімді нығайту мәселесі де Жолдаудың назарынан тыс қалмады.
Осы орайда, қоғамымыздың– бүкіл қоғамның бірлескен еңбегінің нәтижесіне айналған ұлтаралық келісімді, алуан түрлілігімен ерекшеленетін, ғасырлар бойы қалыптасқан бірлігімізді нығайту мәселесінің, ұлтаралық қатынас тіліне айналуға тиісті мемлекеттік тіліміздің ролінің Жолдау негіздерінің бірі болуының мағынасы зор деп ойлаймын.
Қазақстандықтардың бірлігі мен қоғамдағы келісім мен түсіністік мемлекеттік, құқық қорғау органдарындағы әділетті шешімдер мен халық үніне құлақ асуға да тікелей байланысты.
Сот шешімдерінің сапасын арттыру мәселесінде атқарылуға тиісті маңызды шараларға басымдық беріп, соттарда шешілетін дауларды шешудің балама тәселдерін қолдануға мән беруі еліміздің медиаторлар қауымдастығының ортасында тың серпіліске, зор қолдауға ие болды деп ойлаймын. Қолданысқа енгеніне 10 жылдай уақыт болғандығына қарамастан, мемлекеттік органдардың өкілдері тарапынан тиісті көңіл бөлінбей келе жатқан осы түйінді мәселе енді шешімін табатынына күмән жоқ.
Құқық қорғау жүйесін толық реформалаумен қатар, қоғам игілігіне жұмыс жасап жүрген қайраткерлердің назарынан тыс қалмайтын отбасы және бала құқығын қорғау, тұрмыстық зорлық-зомбылыққа қарсы іс-қимыл мәселесі, жасөспірімдер арасында көбейіп кеткен суицид мәселесімен мақсатты түрде айналысу жайындағы басым бағыттар, халықтың жайлы өмір сүруін қамтамасыз ету де қоғамдық келісімге негіз болады, деп ойлаймын.
Жолдауда азаматтардың, әсіресе жастардың, студенттер мен оқушылардың волонтерлік қызметке қатысу аясын кеңейту, олардың бойында белсенді өмірлік ұстанымдарға қатысты дағды қалыптастыру жайындағы бөлігі де ел ішінде игі істер жасаумен қанағат тауып жүрген еріктілердің шабытын арттырары сөзсіз. Әрі бұл да қоғамдық келісім мен адамдар арасындағы ұлты, діни сенімі, басқа да ерекшеліктеріне қарамастан қазақстандықтардың бірлігін нығайтуға септік етері сөзсіз. Ең бастысы. Жолдаудағы ел басшысының жүктеген міндеттері мен тапсырмаларын толыққанды орындауға бір кісідей атсалысу арқылы қоғамдық бірлігімізді нығайту.
Гүлмира СЕБАЕВА,
Шымкент қаласының
мамандандырылған тергеу сотының
кеңсе меңгерушісі.
