Шымкенттегі Қылмыстық атқару жүйесі департаментіне қарасты ИЧ-167/4 мекемесінде қазіргі таңда 87 әйел жұмыспен қамтылған. Оның ішінде сотталған азаматшаларға жұмыс күшін беруші РМК «Еңбек-Шымкент» филиалы болып табылады.
Мекеменің өндіріс аймағында орналасқан РМК «Еңбек-Шымкент» филиалының №1 учаскесіндегі тігін цехында өз істерінің шеберлері – 39 сотталған азаматша екі аусымда түзеу мекемелерінің сотталғандардың киім-кешектері, мекеме қызметкерлерінің нысанды киімдерін және сырттан келіп түскен тапсырыстарды тігіп шығаруда.
Бөлмелерде электр жүйелері қосылған, тігін цехында қазіргі таңда 44 тігін машинасы орнатылған. Алдағы уақытта «Еңбек-Шымкент» филиалы тарапынан немесе өнеркәсіп орындарынан ірі көлемде тапсырыстар түссе, қосымша сотталған азаматшаларды ақылы жұмыспен қамту жоспарлануда.
