Ерейментау аудандық сотының өндірісінде «WhatsApp» ұялы бейнеконференц-байланыс арқылы қаралып жатқан қылмыстық іс бойынша куә М.Ж. төрағалық етушінің бірнеше мәрте өкiмдерiне бағынбай, яғни өзге азаматтармен сөйлесіп, ұялы байланысын қасақана сөндіріп, сотта белгіленген қағидаларды бұзып сотты құрметтемеушiлiк көрсеткен.
Сот отырысында құқықбұзушы М.Ж. өз кінәсін толық мойындап, қатаң жазаламауды сұраған.
Сотпен М.Ж. нің істі қарау кезінде әкімшілік іс бойынша оның іс әрекетіндегі жеңілдететін және ауырлататын мән жайларды ескере отырып, ӘҚБтК-нің 653-бабының 1-бөлігі бойынша ескерту түрінде әкімшілік жауапкершілікке тартылған.
Сонымен қатар, төрағалық етушімен бiр жыл iшiнде қайталап жасалған әрекеттер (әрекетсiздiк) үшін осы баптың екінші бөлігі бойынша, отыз айлық есептiк көрсеткiш мөлшерiнде айыппұл салуға не он тәулікке дейінгі мерзімге әкімшілік қамаққа алуға әкеп соғатынын ескертті.
Қайнар: Ақмола облысының Ерейментау аудандық соты
