Ерейментау аудандық сотына азаматша Б. талап арызбен жүгініп, жауапкер С.-мен заңды некеде тұратынын, жауапкермен мінездерінің жараспауына байланысты келешек бірге тұрудың мүмкін еместігін көрсетіп, араларындағы некені бұзуды сұраған.
Алайда, дауды бейбіт жолмен шешудің тиімділігі, отбасылық құндылықтардың маңыздылығы туралы татуластырушы-судьяның жүргізген түсіндіру жұмыстарының нәтижесінде ерлі-зайыптылар дауды медиация тәртібімен реттеуге ниет білдірген.
Сот ұйғарымымен медиативтік келісім бекітіліп, іс жүргізу өндірістен тоқтатылды.
Осылайша, жүргізілген татуластыру рәсімдері отбасын сақтап қалуға мүмкіндік берді.
Қайнар: Ақмола облысының Ерейментау аудандық соты
