Ақмола облысының Ерейментау аудандық соты «Әкімшілік құқық бұзушылық туралы» Қазақстан Республикасы Кодексінің 608-бабының 1-бөлігінде көзделген құқықбұзушылықты жасаған, яғни масаң күйінде көлік жүргізген азамат Т.-ға қатысты әкімшілік істі қарады.
Сотқа белгілі болғандай, азамат Т., масаң күйде бола тұра Ерейментау қаласы ішінде автокөлік айдаған. Өзінің осы әрекетімен азамат Т., Қазақстан Республикасының жол жүру Ережесінің нормасын бұзған.
Сот қаулысымен құқық бұзушы Т. «Әкімшілік құқық бұзушылық туралы» Қазақстан Республикасы Кодексінің 608-бабы 1-бөлігі бойынша кінәлі деп танылды және осы бап бойынша оған он бес тәулікке әкімшілік қамау және жеті жыл мерзімге көлік құралын жүргізу құқығынан айыру түрінде жаза қолданылды.
Қайнар: Ақмола облысының Ерейментау аудандық соты
