Ерейментау аудандық сотының төрағасы Мақсат Ақышев «WhatsApp» сервисі арқылы Қазақстан Республикасының Әкімшілік рәсімдік-процестік кодексінің ережелерін талқылау бойынша «дөңгелек үстел» өткізді.
Жұмысқа прокуратура, жергілікті атқарушы органдар, БАҚ өкілдері, сондай-ақ ауданның адвокаттары қатысты.
Мақсат Ақышев әкімшілік рәсімдік-процестік Кодексті қабылдаудың мақсаты жариялы-құқықтық дауларды қарау кезінде азаматтардың құқықтарын қорғаудың тиімді тетіктерін енгізу және олардың жұмыс істеуі, сондай-ақ біздің азаматтарымызға билік органдарының шешімдер қабылдау процесіне нақты қатысуға мүмкіндік беретін кепілдіктер белгілеу болып табылатынын атап өтті.
Қорытындылай келе, қатысушылар пікір және ұсыныстармен алмасып, оларды қызықтырған сұрақтар қойып, оларға толық жауап алды.
Қайнар: Ақмола облысының Ерейментау аудандық соты
