Активтер мен міндеттемелер туралы декларация
Оқи отырыңыз...
«Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы 2017 жылғы 25 желтоқсандағы № 121–VI Қазақстан Республикасының Заңына (бұдан әрі – қолданысқа енгізу туралы Заң) сәйкес 2021 жылғы 1 қаңтардан бастап Салық кодексінің «Жалпыға бірдей декларациялау» 71-тарауы қолданысқа енгізілді. Қолданысқа енгізу туралы Заңның 45-1-бабының негізінде жалпыға бірдей декларациялау кезең-кезеңімен енгізіледі.
1-кезең. 2021 жылдан бастап
жауапты мемлекеттік лауазымды атқаратын адамдар мен олардың жұбайлары (зайыптары);
мемлекеттік функцияларды орындауға уәкілеттік берілген адамдар мен олардың жұбайлары (зайыптары); мемлекеттік функцияларды орындауға уәкілеттік берілген адамдарға теңестірілген адамдар мен олардың жұбайлары (зайыптары); «Қазақстан Республикасындағы сайлау туралы» ҚР Конституциялық Заңына және «Сыбайлас жемқорлыққа қарсы іс-қимыл туралы», «Қазақстан Республикасындағы банктер және банк қызметі туралы», «Сақтандыру қызметі туралы», «Бағалы қағаздар нарығы туралы» ҚР заңдарына сәйкес декларацияны табыс ету міндеті жүктелген тұлғалар
2-кезең. 2023 жылдан бастап
Мемлекеттік мекемелердің қызметкерлері және олардың жұбайлары;
квазимемлекеттік сектор субъектілерінің қызметкерлері және олардың жұбайлары
3-кезең. 2024 жылдан бастап
заңды тұлғалардың басшылары мен құрылтайшылары (қатысушылары) және олардың жұбайлары;
дара кәсіпкерлер және олардың жұбайлары
4-кезең. 2025 жылдан бастап
қалған санаттағы азаматтар
Декларация тұрғылықты (болу) жері бойынша тапсырады:
1) қағаз жеткізгіште тапсырған жағдайда – декларацияны тапсыру міндеттемесі туындаған ағымдағы жылғы 15 шілдеден кешіктірмей;
2) электронды түрде тапсырған жағдайда – декларацияны тапсыру міндеттемесі туындаған ағымдағы жылдың 15 қыркүйегінен кешіктірмей тапсырады.
Активтер мен міндеттемелер туралы декларацияны электрондық түрде салық төлеушінің кабинеті арқылы ұсынуға болады (cabinet.salyk.kz), «Электрондық үкімет» порталы (egov.kz), сондай-ақ «e-Salyq Azamat» және «eGov mobile» мобильді қосымшалары арқылы жүзеге асырылады.
ӘЛ-Фараби ауданы бойынша МКБ.
