Шымкент қаласында энергетика және тұрғын үй-коммуналдық шаруашылық саласының өкілдерімен Конституциядағы жаңалықтарды түсіндіру бойынша сарапшылардың кездесуі өтті.
Іс-шара барысында сарапшы А. Сүйіндікұлы жаңартылған Қазақстан Республикасының Конституциясы адамның құқықтары мен бостандықтарын басымдыққа шығаратынын, азаматтардың өмірі, қадір-қасиеті мен әл-ауқатын ең жоғары құндылық ретінде танитынын атап өтті. Арнайы назар Конституцияның Преамбуласына аударылып, оның Қазақстан халқының біртұтас еркін, заңдылық пен тәртіп қағидаларына берік ұстанымын және келешек ұрпақ алдындағы жауапкершілікті көрсететіні айтылды.
Сонымен қатар, Конституцияның 3-бабының негізгі қағидалары қаралды. Кездесу барысында мемлекет заң үстемдігін нығайту, қоғамдық диалогты дамыту және халықтың өмір сүру сапасын арттыру бағытындағы жүйелі жұмыстарды жүзеге асыратыны атап өтілді.
Кездесуге қатысушылар елдің тұрақты дамуы үшін бірлік, ынтымақтастық, мәдени құндылықтарды, ғылым мен инновацияларды құрметтеудің маңыздылығын талқылады. «Халық үніне құлақ асатын мемлекет» тұжырымдамасының рөлі ерекше атап өтіліп, оның мемлекеттік органдар мен қоғам арасындағы тиімді кері байланысты қалыптастыруға бағытталғаны айтылды.
Іс-шара қорытындысы бойынша конституциялық реформалардың әділ және әлеуметтік бағдарланған мемлекет қалыптастыруға, азаматтардың құқықтарын қорғауды қамтамасыз етуге және тұрақты әлеуметтік-экономикалық дамуды қолдауға бағытталғаны атап өтілді. Кездесуге қатысушылар жаңартылған Қазақстан Республикасының Конституциясын толық қолдайтындықтарын білдірді.
