Қаланың бірқатар маңызды нысандарында жоспарлы аралау жасап, атқарылып жатқан жұмыстардың барысы тексерілді.
Аралау барысында Қаратау ауданындағы Бәйдібек би даңғылы мен Төлеметов көшесінің қиылысында салынатын жолайрық құрылысының жобасы таныстырылды. Аталған жоба көлік жүктемесін азайтуға, жолдың өткізу қабілетін арттыруға және қауіпсіздікті күшейтуге бағытталған. Жолайрық пайдалануға берілген соң, көлік ағымы оңтайланып, жүріс уақыты қысқарып, жүргізушілер мен жаяу жүргіншілер үшін қолайлы жағдай жасалады.
Сонымен қатар, жол инфрақұрылымын кезең-кезеңімен дамыту аясында Шұбаркөл көшесінің Өтегенов көшесінен Қазиев көшесіне дейінгі учаскесі және Қазиев көшесінің Шұбаркөл көшесінен Арғынбеков көшесіне дейінгі учаскесі қозғалысқа ашылды. Бұл жаңа байланыс бағыттары параллель көшелердегі көлік ағымын реттеп, жолдардың бір-бірімен интеграциясын күшейтеді.
Алайда, әкімдік Алтынсарин көшесінің реконструкциясының барысын да тексерді. Көшені екі жолақтан төрт жолаққа дейін кеңейту шағынаудандар арасындағы көлік қолжетімділігін арттырып, Бәйдібек би даңғылындағы жүктемені азайтуға мүмкіндік береді. Жұмыстар белгіленген жоспарға сәйкес және жоғары сапада орындалуы қатаң бақылауда болады.
