Президент Қасым-Жомарт Тоқаевтың 2024 жылғы Жолдауында еліміздің әлеуметтік-экономикалық дамуында маңызды рөл атқаратын бірнеше стратегиялық бағыт айқындалған болатын. Соның ішінде инженерлік инфрақұрылымды жаңғырту, тұрғын үй-коммуналдық шаруашылық жүйесін жетілдіру, «Таза Қазақстан» тұжырымдамасын іске асыру, экологиялық мәдениетті арттыру және қалалық ортаны абаттандыру мәселелері ерекше назарға алынған. Бүгінде бұл міндеттердің жүзеге асуы Шымкент қаласының Абай ауданында қарқынды түрде жүргізілуде.
Абай ауданында соңғы жылдары тұрғындар саны артып, жаңа шағынаудандар бой көтеруде. Соған сәйкес, инженерлік инфрақұрылымға деген сұраныс та өсті. Аудан аумағында су құбыры желілерін тарту, ауыз су қысымын арттыру, электр қуатын тұрақты жеткізу, кәріз жүйесін кеңейту жұмыстары кезең-кезеңімен атқарылып жатыр. Биылдың өзінде бірнеше көшеге жаңа су құбыры тартылып, жүздеген абонент ауыз сумен қамтылды. Сонымен қатар, көшелерді жарықтандыру жобасы қолға алынып, тұрғындардың қауіпсіздігі мен тұрмыс сапасын арттыруға үлес қосуда.
Жол құрылысы мен жөндеу жұмыстары да жүйелі түрде жүргізілуде. Жаңа асфальт төсеу, аяқжолдар салу, қоғамдық көлік бағыттарын ретке келтіру – тұрғындардың күнделікті өміріне қолайлылық әкелетін басты шаралардың бірі болып отыр.
Экологиялық қауіпсіздікті нығайту мақсатында Абай ауданында «Таза Қазақстан» тұжырымдамасы аясында санитарлық тазалық жұмыстары тұрақты түрде өткізіледі. Жыл басынан бері аудан аумағында бірнеше мәрте жалпықалалық сенбіліктер ұйымдастырылып, онда мыңдаған тұрғын мен жүздеген арнайы техника жұмылдырылды. Нәтижесінде ондаған тонна қоқыс шығарылып, жасыл аймақтардағы ағаштар ретке келтірілді.
Аудан әкімдігі қоршаған ортаны қорғау және экожүйені дамыту бағытында да бірқатар жобаларды қолға алуда. Жаңа саябақтар мен гүлзарлар салу, жас көшеттер отырғызу, көгалдандыру көлемін арттыру – экологиялық тепе-теңдікті сақтау ісінде маңызды қадам. Сонымен бірге, қоқыс алаңдарын жүйелі тазарту және қалдықтарды сұрыптау мәдениетін енгізу бағытында түсіндіру жұмыстары жүргізіліп келеді.
Абай ауданында қоғамдық кеңістіктерді абаттандыру ісіне ерекше көңіл бөлінуде. Аулаларға балалар ойын алаңшалары орнатылып, спорттық құрылғылар қойылуда. Жаңа демалыс орындарын құру арқылы тұрғындардың бос уақытын тиімді өткізуіне жағдай жасалуда. Бұл жұмыстар аудан келбетін айшықтап қана қоймай, халықтың өмір сүру сапасын жақсартуға ықпал етуде.
Тазалық мәдениетін қалыптастыру – тек коммуналдық қызметтердің ғана емес, барша тұрғындардың ортақ міндеті. Осы орайда аудан аумағында экологиялық мәдениетті насихаттау жұмыстары жүргізілуде. Мектептер мен жоғары оқу орындарында арнайы кездесулер, акциялар ұйымдастырылып, жастарды табиғатқа жанашырлықпен қарауға шақыратын бастамалар жүзеге асырылуда.
Ақпараттық сүйемелдеу мен түсіндіру бағытында әлеуметтік желілерде, ресми сайттарда тұрақты жарияланымдар жасалып, тұрғындар тазалық пен қоршаған ортаны қорғауға қатысты жаңалықтармен дер кезінде қамтамасыз етілуде. Бұл өз кезегінде халықтың экологиялық санасын қалыптастыруға ықпал етеді.
Жалпы алғанда, Абай ауданында жүргізіліп жатқан жұмыстар 2024 жылғы Жолдауда белгіленген стратегиялық міндеттердің орындалып жатқанын көрсетеді. Инженерлік инфрақұрылымды жетілдіру, тұрғын үй-коммуналдық шаруашылықты дамыту, қоршаған ортаны қорғау және көріктендіру шаралары аудан тұрғындарының өмір сүру сапасын арттыруға, қолайлы әрі жайлы қалалық орта қалыптастыруға бағытталған.
