Бүгін Түркістан қаласындағы «Достық үйінде» өткен Түркістан облыстық Қазақстан халқы Ассамблеясы жанындағы журналистер мен блогерлер клубы отырысының әңгімесі де осы үш мәселе төңірегінде өрбіді.
Жиынға қатысқан ҚР Парламенті Сенатының депутаты, ҚХА Журналистер клубының төрағасы Сатвалдиев Алишер мен облыс әкімінің орынбасары Алтаев Ертай Кенжебекұлы Қазақстан халқы Ассамблеясының 30 жылдығына қандай жетістіктермен келгенімізді айта отырып, нендей шаруаларды қолға алу маңыздылығына тоқталды.
Ең бастысы — елдегі тұрақтылық, достық пен бірлікті, этнос өкілдері арасындағы татулықты сақтау.
Осы жолда Ассамблея ұйымы мен журналистер қауымының жасап жатқан еңбектері мақтанарлықтай.
Жыл сайын әлеуметтік желі қолданушылары арасында жарияланып, жыл аяғында қорытындыланып жүрген «Шаңырақ» байқауының да басты ұстанымы татулық пен бірлік.
Жиында «Шаңырақ» байқауының басталғаны мәлім болды.Жүлде қоры 1000 000 теңге.
Байқаудың негізгі өзегі де еңбек адамдарының жеткен жетістіктері мен бауырластық, яғни, Қазақстан халқы Ассамблеясының 30 жылдығы болмақ.
Осы орайда айта кетер ерекше жаңалығымыз — ол Түркістан облысы ҚХА жанындағы Журналистер мен блогерлер клубының төрағасы Ерсұлтан Әмірбектің ашқан
#Bauyrlas подкаст студиясы.
Барлық жағдайы жасалған, оған қоса ұлттық нақышпен зерделенген студия төрінде тек қана достық пен бірлікке, ынтымақ пен берекеге бастау болар әңгіме сұқбат жүргізілетініне сенім мол.
Бейбітшілік күндегі тілегіміз — елдің тыныштығы, жұртымыздың амандығы болсын!
