Қазақстан Республикасының Салық және бюджетке төленетін басқа да төлемдер туралы кодексінің (Салық кодексінің) 108-бабында Мемлекеттiк баждың төленген сомаларын қайтару ерекшеліктері қарастырылған.
Мемлекеттiк баждың артық төленген сомасы:
1) талап қоюшы сотқа талап арыздар және өзге де өтініштер,шағымдар берген кезде мемлекеттiк баж Салық Кодексінде белгіленген мөлшерден көп мөлшерде төленген жағдайда артық төленген мемлекеттік баж қайтаруға жатады
2) іс төрелікке берілген жағдайда төленген мемлекеттік баж қайтаруға жатады
3) іс бірінші және апелляциялық сатылардағы соттарда тараптардың татуласу келісімімен, дауды медиация тәртібімен реттеу туралы келісіммен аяқталған жағдайда – төленген мемлекеттік баже толық көлемде 100 пайыз, ал кассациялық сатыдағы сотта – сот актісін кассациялық тәртіппен қайта қарау туралы өтінішхат берген кезде төленген соманың 50 пайызы мөлшерінде қайтарылады
4) талап арыз немесе өзге де өтініш қайтарылған немесе оны қабылдаудан бас тартылған, сондай-ақ нотариустар немесе осыған уәкiлеттiк берілген адамдар нотариаттық әрекеттердi жасаудан бас тартқан жағдайда төленген мемлекеттік баж қайтаруға жататын сомма болып есептеледі;
5) егер iс сотта қарауға жатпайтын болса, сондай-ақ егер талап қоюшы дауды алдын ала шешудiң белгiленген тәртiбiн сақтамаған не талапты әрекетке қабiлетсiз адам қойған болса, іс бойынша iс жүргiзу тоқтатылған немесе талап қою қараусыз қалдырылған жағдайда төленген мемлекеттік баж қайтаруға жататын сомма болып есептеледі;;
6) мемлекеттiк бажды төлеген адамдар заңдық мәні бар әрекеттердi жасаудан немесе осы заңдық мәні бар әрекеттердi жасайтын органға жүгiнгенге дейiн құжатты алудан бас тартқан жағдайда төленген мемлекеттік баж қайтаруға жатады
7) сот актісін кассациялық тәртіппен қайта қарау туралы өтінішхат қайтарылған жағдайда төленген мемлекеттік баж қайтаруға жатады
8) Қазақстан Республикасының заңдарында белгiленген өзге де жағдайларда iшiнара немесе толық қайтаруға жатады.
2. Мемлекеттік баж 3 жағдайда қайтарылмайды
1) талап қоюшы талап қоюдан бас тартқан жағдайда;
2) талап қоюшы өз талаптарын азайтқан жағдайда
3) сот бұйрығының күші жойылған жағдайларда Мемлекеттік баж қайтарылмайды.
Мемлекеттік бажды қайтару тәртібі
Салық органы мемлекеттік баждың артық төленген сомасын қайтаруды салық төлеуші ұсынған салықтық өтініштің және тиісті мемлекеттік органның қайтарудың құқыққа сыйымдылығын растайтын құжатының негізінде жүргізеді.
Сот талап коюшының пайдасына іс бойынша тарап болып табылатын мемлекеттік мекемеден мемлекеттік бажды өндіріп алу туралы шешім шығарған салық төлеушіге мемлекеттік баж сомасын қайтаруды салық органы салық төлеуші ұсынған салықтық өтініштің және заңды күшіне енген сот шешімінің негізінде жүргізеді.
Мемлекеттік баждың артық төленген сомасын қайтаруды оның төленген жері бойынша салық органы қайтаруға арналған салықтық өтініш берілген күннен бастап бес жұмыс күні ішінде қарайды. Мемлекеттік баж сомасы есепке жазылған бюджеттік сыныптаманың тиісті кодынан салық төлеушінің банктік шотына бес жұмыс күні ішінде қайтарылады.
Мемлекеттік баждың артық төленген сомасын қайтаруға арналған құжаттар салық органына мемлекеттік баждың сомасы бюджетке төленген күннен бастап үш жыл мерзім өткенге дейін ұсынылуға тиіс.
Салық төлеушілер салық өтініштерін электронды түрде және қағаз тасығышта тапсыра алады.
Электронды түрде:
Салық төлеуші кабинеті арқылы,
Еgov.kz порталы арқылы және
Е салық азамат мобильді қосымшасы арқылы тапсыра алады.
Қағаз тасығышта:
Халыққа қызмет көрсету орталықтарына салық өтінішін (15 қосымша) толтырады және салық өтінішіне уәкілетті орган берген мемлекеттік бажды қайтаруды растайтын құжатты қоса тігеді.
Тұран ауданы МКБ-ның Есепке алу, талдау және АТ бөлімі.
