Қарағандыда 10 қарашадан бастап жылу энергиясымен жабдықтау қызметтеріне сараланған тарифтер бекітілді. Ол қосылған құн салығы есебінсіз бір гигакалория үшін 8795 теңгені құрады.
«Қарағанды Теплотранзит» ЖШС компаниясының директоры Алданыш Күніспековтың айтуынша, бұл шара мәжбүрлі түрде жүзеге асырылып жатқан қадам.
«Жылу энергиясымен жабдықтау тарифінің артуы жылу энергиясын өндіруге арналған тарифтің 5% — ға өсуі, сондай-ақ стратегиялық тауар құнының өзгеруіне байланысты. Тарифтерді көтеру бойынша негізгі жүктемені бюджеттік ұйымдар көтерді, олар үшін өсім 14% — құрады, халық үшін тариф іс жүзінде айтарлықтай өзгерген жоқ. Өсім бір гигакалория үшін 0,2% немесе 11 теңгені құрады. Бір шаршы метр үшін төлем 190 теңгені құрайды», — деді Алданыш Күніспеков.
Енді жеке тұлғалар үшін қосылған құн есебінсіз гигакалория 4994 теңгені, басқа тұтынушылар үшін 15007 теңгені құрайды. Бірақ бюджет қаражаты есебінен күн көріп отырған ұйымдар гигакалория үшін 32 мың теңгеден төлейтін болады. Облыстық Қоғамдық кеңесінің экономика және бюджет мәселелері жөніндегі комиссиясының төрайымы Айжан Қиясованың айтуынша, тарифтік жоспар бюджет қаражатына тәуелді ұйымның қалтасына қатты әсер етеді.
«Ауыр жүктеме бюджеттік ұйымдарға түседі. Коммуналдық қызметтердің қымбаттауы шамамен 14% құрады. Бағаны көтеруге негіз болған себептер мен мәселелер, әрине, шешілуі тиіс. Алайда, біз өз тарапымыздан жөндеу жұмыстарына немесе қайта құруға бағытталған шаралардың және қымбаттауға негіз болған шаралардың орындалуына бақылау күшейтілетінін айттық», — дейді айжан Қиясова.
Сондай-ақ, Қоғамдық кеңес мүшелерінің айтуынша, бұл мәселелер бюджет есебінен шешілмеуі тиіс. Жаңа тариф 2024 жылғы 10 қарашадан бастап қолданысқа енгізілді. Бұған дейін ол қосылған құн есебінсіз бір гигакалория үшін 4 433 теңгені құраған болатын.
