Қазақстан Республикасы Президентінің жанындағы Құқық қорғау органдарының кадр саясаты мәселелері жөніндегі комиссиясының ұсынымы бойынша Агенттік Төрағасының бұйрығымен Департамент басшысы лауазымына Қанат Турсымбайұлы Сулейменов тағайындалды.
Жаңа басшыны қала активі мен қызметкерлерге Агенттік төрағасының орынбасары Мақсат Жебегенов таныстырды.
Қанат Турсымбайұлы 1968 жылы Павлодар облысында дүниеге келген. ҚР Ішкі істер министрлігінің Алматы жоғары мектебін бітірген.
1994-2019 жылдар аралығында ішкі істер және ұлттық қауіпсіздік органдарында түрлі лауазымдарда қызмет атқарған.
2019 жылдан бастап Сыбайлас жемқорлыққа қарсы іс-қимыл агенттігінің Тергеу департаментін, 1-департаментін, Агенттіктің Атырау облысы бойынша департаментін басқарған.
Тағайындалғанға дейін Агенттіктің Сотқа дейінгі тергеу қызметінің басшысы лауазымын атқарған.
Департамент басшысын тағайындау а.ж. шілде айында Президенттік резервке енгізілген кандидаттардың цифрлық рейтингісінің жаңа жүйесін енгізген Президент Әкімшілігімен келісілген.
Ақпараттық кадрлық жүйені бағалау нәтижелері бойынша Қ.Т. Сулейменов ең жоғары балл жинаған.
