Мемлекет басшысы Қасым-Жомарт Тоқаевтың бастамасымен қолға алынған «Ауылдың денсаулық сақтау саласын жаңғырту» ұлттық жобасы аясында Келес ауданының ауданының Аманжар, Жаңақоныс, Бесқұбыр елді мекендерінде фельдшерлік-акушерлік пункттер салынуда. Аталған жобалар жеке инвесторлар арқылы жүзеге асуда. Нақтырақ айтқанда «Дәрмен» ЖШС және «АзияМед» ЖШС құрылыс жұмыстарын жүргізуде. Құрылыс жұмыстары ағымдағы жылдың соңына дейін тапсырылады деп жоспарлануда. Бұл туралы Қошқарата ауылдық округінің әкімі Ерлан Нұрмахан Келес ауданы әкімі аппаратының басшысы Бахтияр Абдрахмановтың төрағалығымен өткен жиында мәлімдеді.
Келес ауданындағы аумағы және халқы жағынан ең ірі аймақтардың бірі – Қошқарата ауылдық округі болып табылады. Мұнда 22 576 тұрғын 13 елді мекенде тұрады. Биыл ауылдық округінің орталығы Бесқұбыр елді мекенінде 300 орындық оқу ғимараты пайдалануға беріледі. Сондай-ақ, Қошқарата ауылдық округі әкімі аппаратының құрылысы басталуы жоспарланған. Бесауыл елді мекеніндегі ұзындығы 1 840 метрді құрайтын Достық көшесін орта жөндеуден өткізілсе, Ұшқын елді мекенін газдандыру мақсатында жобалық-сметалық құжаттамалары әзірленіп, мемлекеттік сараптама қорытындысы алынды. Мемлекеттік сатып алу порталына жеңімпаз анықтау үшін салынды. Ал, ағымдағы жылы кәсіпкерлер есебінен Шынар елді мекеніндегі Егемендік, Бейбітшілік және 1 Мамыр елді мекеніндегі Құрманғазы көшелері және Бәйтерек елді мекенінің Жеңіс-1, Жеңіс-2, Жеңіс-3 көшелеріне, жалпы ұзындығы 3,0 шақырым көше жарықтандырылды.
Жиынға аудан әкімі аппаратының бөлімше басшылары, дербес бөлім басшылары мен құрылымдық бөлімдердің басшылары және ауыл, ауылдық округінің әкімдері мен жауапты мамандары қатысқан жиын барысында Қошқарата ауылдық округінде жүзеге асып жатқан жобалар мен аудандық Кірістер басқармасы тарапынан атқарылып жатқан жұмыстар талқыланды.
Сол сияқты аудан аумағында елдімекендер көшелеріне асфальт төсеу мәселесі де назарға алынған. Келес ауданына қарасты Бірлік ауылдық округінде әлеуметтік нысандар орналасқан көшелерге асфальт жабындысы төселуде. Елдің талап тілегін ескерген жергілікті атқарушы орган өкілдері өткен жылы мектеп, балабақша, емхана орналасқан көшелерді орта жөндеуден өткізу мақсатында қажетті шараларды қабылдады.
Нәтижесінде ауылдық округінің орталығы саналатын Бірлік елді мекеніндегі Жаңақұрылыс және Жангелдин көшелері биыл асфальттанды.
Айта кетейік, Бірлік ауылдық округіне қарасты елді мекендерді табиғи газға қосу бойынша сыртқы магистрал жүйесіне қаржы қаралып, тиісті жұмыстар атқарылуда. Елді мекендердің ішкі жүйелері толық табиғи газ жүйесімен қамтылған соң ішкі көшелер жоспар бойынша орта жөнднуден өткізілетін болады.
Жалпы Бірлік ауылдық округі бойынша 28 көше болса, соңғы үш жылда 12 мың метр көшеге шағал тас, 1 200 метр көше асфальттанды. Сонымен қатар биыл Бірлік елді мекенінде дәрігерлік амбулатория салынуы жоспарға енген.
